Marxuumka oo uu rabbi isugu daray Samaynta suugaanta iyo waliba jilida Riwaayadaha ayaa in muddo ah u jiifay xanuun asiibay, hasayeeshee waxa uu maanta ku geeriyooday Magaaladda Hargeysa.

Marxuum Ismaaciil Basbaas ayaa ka mid ahaan jiray kooxda fanaaniinta ee Loo yaqaanay Waabari, kuwaas oo ahaa hormuudka fanka soomaalida.

allaah haw u naxariistee Marxuum Ismaaciil Cabdi Ibraahim waxa uu sida uu waraysi uu wakhti hore Siiyay Telefishanka Qaranka uu dhashay Hillaadii 1942-kii, isaga oo wakhtigaasi ku dhashay Deegaanada Hoos Yimaada Daad Madheedh.

markii uu toban jiray gaadhay waxa uu tagay Magaaladda Berbera, halkaas oo uu kula baxay Naanaysta Basbaas.

1957-kii ayaa waxa uu Marxuum Ismaaciil Cabdi Ibraahim (Basbaas) ayaa ahayd markii ugu horeysay ee uu ku biiray Bahda Fanka, iyada oo sida uu waraysigiisaasi ku sheegay in ay u yeedheen kooxdii fanka Berigaasi uga sii horeysay oo uu ka xusay Guroon Jire, Cismaaan Beenaale oo dhalashadiisu ahayd Hindi, Cali Faynuusi.

Allaa haw u naxariistee Marxuum Ismaaciil ayaa waxa u sidoo kale dhinaca Fanka La jaal noqday, Marxuum Maxamed Axmed Kuluc, Cumar Dhuule Iyo Cismaan Cabdikariin oo iyaguna dhinaca fanka markii danbe heer sare ka gaadhay.

Marxuum ismaaciil ayaa fanka ku soo galay ruwaayad, hasayeeshee markii danbe waxa uu ka mid noqday Mu’alifiinta iyagu hindisa riwaayadaha, sidoo kale sameeya heesaha iyo suugaanta inteeda kale.

allaah haw u naxariisto marxuumka