Wararka ka imanaya gudaha Sudan, ayaa sheegaya in kooxda RSF, markii ay magaalada qabsadeen, ay fuliyeen falal ka dhan ah bani’aadannimada, oo ay ku jiraan dilal, kufsi, gubid guryo iyo barakicin baahsan.

Beesha caalamka, ururrada xuquuqul insaanka iyo hay’adaha gargaarka, ayaa ugu baaqay joojinta degdegga ah ee xasuuqa, iyagoo codsaday in la helo gelitaan bani’aadannimo iyo in caddaalad la horkeeno cid kasta oo ku lug leh dambiyada dagaal ee ka socda Sudan.

Magaalada Faashir, oo ah caasimadda gobolka Waqooyiga Daarfuur, ayaa noqotay goob dagaal iyo xasuuq aan loo meel dayin, iyadoo kumannaan qof ay ka barakaceen halkaas, xaaladda aadanahanimo ee dalkaasna ay sii xumaanayso maalinba maalinta ka dambaysa.