Si kastaba ha ahaatee, waxa cad sababta Tehran ay u beegsanaysay aaggaas.

Qiyaastii 13 km meel ka baxsan Dimona, waxaa ku yaal xarun muddo dheer loo aqoonsanaa in uu yaallo hubka nukliyeerka ee Israa’iil oo aan si rasmi ah loo shaacin.
Si rasmi ah, goobtan waxaa la sheegaa in ay diiradda saarto oo keliya cilmibaadhis. Laakiin ku dhowaad lixdankii sano ee la soo dhaafay, waxay ahayd sir furan in Israa’iil halkaas ku samaysay bam nukliyeer, inkastoo dowlad kasta oo xigta ay sii waday mowqif mugdi ku jira arrintan.

Tani waxay ka dhigtay Israa’iil awoodda nukliyeerka kaliya ee Bariga Dhexe. Sidaas darteed, tilmaam kasta oo muujinaya in la bartilmaameedsanayo arrintan waxaa Israa’iil u qaadataa si aad u culus.

Iiraan lafteedu waxay xaqiijisay in goobtan ay ahayd bartilmaameedka weerarka, iyadoo sheegtay in duqaynta Dimona ay jawaab u ahayd weerar hore oo ay ku eedeeyeen Mareykanka iyo Israa’iil oo lagu qaaday xarunteeda nukliyeerka ee Natanz.

Labada Israa’iil iyo Mareykanka waxay sheegeen in baabi’inta awood kasta oo suurtagal ah oo Iiraan u leedahay horumarinta bam nukliyeer ay tahay ujeeddada ugu weyn ee dagaalka.