Adeegga qaran ee dab-damiska iyo samatabbixinta ayaa sheegay inay shaqaalaha ku sugan meelaha u dhow dabka ku amreen inay si degdeg ah u galaan goobaha amniga. Madaxa adeeggaas, Eyal Kaspi, ayaa sheegay in kooxo badan oo gurmad ah ay goobta ka hawlgalaan, isla markaana xaaladda si tartiib tartiib ah loo xakameynayo.

Dabka ka kacay aagga warshadaha ee Neot Hovav ayaa lagu tilmaamay “shil halis ah oo la xidhiidha maaddooyin khatar ah,” iyadoo shaqaalaha lagu wargeliyay inay ka fogaadaan goobaha halista ah oo ay galaan dhismayaasha la ilaaliyo.

Dhanka kale, wakaaladda wararka ee Reuters ayaa sheegtay in shirkadda caalamiga ah ee ADAMA ay xaqiijisay in warshaddeeda Makhteshim ay ahayd goobta la beegsaday. Dabka ayaa ka dhashay weerar gantaal oo laga tuuray Iiraan.