Trump ayaa tilmaamay in howlgalka militari uu ku dhow yahay dhammaad, isagoo sheegay in dagaalku laga yaabo inuu soo idlaado laba ilaa saddex toddobaad gudahood.

Dhanka kale, xiisadda gobolka ayaa sii kordhaysa kadib weerarro iyo duqeymo cusub oo Iiraan lagu eedeeyay in ay ku qaaday maraakiib iyo kaabayaasha tamarta ee Khaliijka, taas oo khatar gelisay marin muhiim ah oo saliidda adduunka ah.

Inkasta oo Trump uu muujiyay in Mareykanku diyaar u yahay in uu ka baxo dagaalka, hadda na dalalka xulafada sida Israel iyo kuwa Khaliijka ayaa walaac ka muujiyay in bixitaanka degdegga ah uu sii xoojin karo Iran.
Isla mar ahaantaana, Trump ayaa cadaadis saaray dalalka Yurub isagoo ku eedeeyay in ay ka gaabiyeen taageerada dagaalka, isla markaana ku boorriyay dalalka kale in ay qaataan doorkooda haddii Mareykanku baxo.

Guud ahaan, xaaladda ayaa weli ah mid cakiran, iyadoo weerarro, hanjabaado iyo dadaallo diblomaasiyadeed ay isku mar socdaan.