Kulanka oo ka dhacay Xarunta Taliska Guud ee Ciidanka Qaranka ee Hargeysa, waxa ka qayb galay Danjire Teshome, Qunsulka Guud ee Itoobiya ee Somaliland iyo u-qaybsanaha difaaca ee safaaradda Itoobiya.

Labada dhinac ayaa ka wada hadlay xidhiidhka labada ciidan, iskaashiga amniga iyo xaaladaha gobolka. Danjire Teshome ayaa taliyaha uga warramay xaaladihii ugu dambeeyey iyo horumarrada ka socda gobolka.

Sarreeye Guuto Nimcaan Yuusuf Gaaxnuug ayaa xaqiijiyey inay Somaliland ka go’an tahay xoojinta iskaashiga labada ciidan, si loo taageero nabadda iyo xasilloonida gobolka.