1. Geesinimadu waa inaad naftaada xakamayso.

Geesinimadu ku ma koobna awood aad cid kale ku muujiso. Mararka qaarkood, geesinimada ugu weyn waa in aad xakamayso cadhadaada, adigoo awood u leh in aad aargoosato, hadda na doorta jidka caddaaladda.

2. Ammaanadu waxay muuqataa marka lagu imtixaamo.

Gudashada waajibku waxay qiimo gaar ah yeelataa marka arrintu adiga si toos ah kuu taabanayso. In murugada walaalkaa kaa soo gaadhay aanay kaa leexin masuuliyaddaada, waa tusaale sare oo lagu daydo.

3. Caddaalad-raadintu waxay joojin kartaa silsiladda aanada.

In eedaysanaha lagu wareejiyo hay’adaha ammaanku waxay fursad siinaysaa in kiiska loo maro hannaan caddaaladeed. Doorashadaasi waxay bulshada ka caawin kartaa inay ka baxdo aargoosi dhalinaya murugo kale.

4. Hal qof ayaa bilaabi kara isbeddel bulsho.

Nabadda lagu ma dhiso hadal keliya; waxaa dhisa go’aanno adag oo dadku qaataan. Ficil qof keliya sameeyo ayaa dad badan ku dhiirrigelin kara in ay colaadda ka doortaan wada noolaanshaha.

5. Wanaagga la maamuuso wuxuu dhiirrigeliyaa wanaag kale.

Go’aanka taliska ee lagu maamuusayo askarigan, wuxuu bulshada iyo ciidanka ba u dirayaa farriin qiimo leh: hawlkarnimada, isxakamaynta iyo ilaalinta ammaanadu waxay mudan yihiin aqoonsi iyo qadarin.

Alle ha u naxariisto marxuumka, ehelkana samir iyo iimaan ha ka siiyo. Askari Axmed na ficilkiisu ha noqdo tusaale i na xusuusiya in nabaddu ka bilaabato qof doorta in uu xanuunkiisa kaga warceliyo xilkasnimo.

GLN