Madaxweynaha ayaa sheegay in sarkaalka la guddoonsiiyey Bilad Geesi, darajo ciidanina loo dallacsiiyey, isagoo qoraalkiisa ku yidhi:

“Geesinimada ugu weyni waa in qofku naftiisa xakameeyo xilliga ugu adag. Sarkaal Axmed Geeddi Maxamed, isaga oo walaalkii la dilay, haddana eedaysanihii gacanta ku soo dhigay sharcigana hor keenay, wuxuu aargoosiga ka doortay caddaaladda, kana hormariyey dantiisa gaarka ah sarreynta sharciga iyo kala dambaynta Qaranka.
Geesinimada iyo masuuliyadda uu muujiyey awgeed, Qaranku waxa uu Sarkaal Axmed Geeddi Maxamed guddoonsiiyey Bilad Geesi, darajo ciidanina dallacsiiyey, si uu tusaale ugu noqdo dhammaan Ciidamada Qaranka Jamhuuriyadda Somaliland.”