Xukumada Somaliya oo ka qeybgalaysa shir looga hadlayo arrimaha duulista hawada oo ka furmay Dalka Canada
October 4, 2016 - Written by

Kulanka guud ee Golaha Hay’adda Qaramada Midoobay u qaabilsan Duulista Hawada ayaa si rasmi ah waxa uu ugaga furmay magaalada Montreal ee dalka Canada iyadoo wadamada ka qeybgalaya kulankan ay ka mid tahay dowlada Soomaaliya.

Inta kulanka lagu guda jiro waxaa lagu dhameystiri doonaa dejinta siyaasadda, Farsamadda, wax wada qabsi iyo horumarka mustaqbalka Duulista Caalamiga ah (International Civil Aviation Organisation (ICAO)

Kulankan oo saddexdii sanaba mar la qabto ayaa waxa  uu ka furmay magaalada Montreal dalka Canada oo ay ku taalo Xarunta dhexe ee Hay’adda Qaramada midoobay u qaabilsan Duulista Hawada 27 September, isagoo socon doona illaa 7 October 2016.

Iyadoo ay ka qeybgalayaan kulankan wakiilo ka socda 191 dowladood oo ay dowlada Soomaaliya ka mid tahay ayaa waxaa lagu dooran doona guddiyadda ay hay’adda ka kooban tahay dal walbana wuxuu leeyahay hal cod oo lagu dooranayo guddi walba.

Maareeyaha Guud ee Hay’adda Duulista iyo Saadaasha Hawada Soomaaliyeed  Cabdiwaaxid Sheekh Cumar ayaa u matalaya Soomaaliya kulankaas isagoo hogaaminaya wafdi ka kooban saddex xubnood uu ka mid yahay Amabassador Jamaal Maxamed Xasan.

Wafdiga ka socda dowlada Soomaaliya ayaa waxa ay  kulamo gaar ah la qaateen Xoghayaha guud ee ICAO iyo Madaxweynaha Golaha Guud ee ICAO ayagoo ka wada hadlay dardargelinta iyo soo wareejinta Maamulka Hawada Soomaaliya oo dhowr jeer hore dib u dhacyo ku yimideen, waxana ay kulamadaas  ku soo dhamaadeen guul iyo is-afgarad.

icao

Share

COMMENTS
Gacanlibaaxnewscom