GADHWAYNAA SHEEGAY “ JAMAAL WAA KULMIYE ,WADDANI YAANU KU DAALIN”
November 25, 2016 - Written by
Xassan Gadhwayne wuxuu ahaa Wasiirkii Hore ee Wasaarada Waxbarashada , waxaanu haatan  u xuub siibtay “Kaabo Qabiil”. Wuxuu Guddoomiye u yahay  koox u ololaysa  Kornayl Muuse . Waa mahadho taariikha ah  in   EX- Wasiir Waxbarasho  u dego rogto  Kaabo Qabiil. Sida ay xaqiijiyeen  saaxiibadeesi Dugsiga dhexe “ Intermediate  School “  , Xassan kamuu gudbin Imtixaankii  Shahaadiga “ Leaving Examination”  waxaanu qaatay  “ Un-Certificate “   Markaa la yaab malaha in   garaadkiisu hoos ugu  celiyo Qabyaalad.  Oday  Gadhwayne   ayaa   dhawaan Gabiilay kaga tiraabay  erayada soo  socda asago taageero ka doonaaya beesha AKASHI .  “   Beeshayadu way   la hadhashay YARKA JAMAAL. Waxaanu u sheegnay  inuu u tanaasulo inaadeerki Muj. Muuse , asagana  magdhow loo siiyo  . Arrinkaasna  wuu naga  aqbalay “  Sida war xogogaalahi   sheegayaan  Ololahan   wax ka  danbeeya ‘Ma Gafe  Maxamed Aw Saciid “,   waxaana ujeeddoynkeesa ugu waawayn:
1). In garabka uu hogaaminaayo  Jamaal  Cali Xusein ku  biiro  Xisbigga Kulmiye.
2. In la joojiyo  Dacwadda ka dhanka ah Eng Faysal Cali Waraabe.
3). In  waxii kharash ka baxay iyo mag-dhaw dheeraada loo celiyo  Jamaal Cali Xussein . Magdhowgaas  qiimaynteeda  waxa  loo saari doono  Guddi Farsamo , waxaana lagu qiyaasay ugu yaraan $ 1 Million.
4). Heshiiska  waxa damaanad qaadi doona   Ganacsato & Madhax-dhaqameed  kasoo kala jeeda  labada dhinac  ee  Jamaal iyo Kornayl Muuse.Hadaba dad badani waxay iswaydiinayaan sababta uu Jamaal Cali Xussein u jaah-wareerinaayo taageeryaashi u badnaa dhalinyarada  ee kasoo  jeeday dhamaan Goboladda Somaliland . Jamaal waxuu siyaasada ku soo galay    “Aqoonyahan”  bulshadana u shaqaynaaya  laakinse aan u soo shaqo tegin. Maanta waxa muuqata inuu yahay dilaal “ Political broker” u soo shaqo tegay Somaliland. Wuxuu yidhi Cigaal Shidaad :
“ Jamaalow ma waxaan ku moodaay; Mise waxaad noqotay;Waxaan ku moodaayay  Aqoonyahan; Laakinse waxaad noqotay cagabaruur Siyaasadeed”
Drs Hoodo Yusuf , London, UK.
yhoodo@yahoo.com.
Share

COMMENTS
Gacanlibaaxnewscom