Wararkii ugu dambeeyey ee gacanlibaaxnews.con heshay, ayaa sheegaya in xalay boolisku qabteen qofkii dilka gaystay, iyagoo sheegay inuu ahaa wiil Norway u dhashay oo da’ ahaan jiray 15 sano.

Booliska oo sheegay inay baadhayaan sababkii uu wiilku u dilay wiilka Soomaaliga ah, isla markaana ay waraysanayaan isaga oo wiilidkiisaba ayaa waxa kale oo ay sheegeen in wiil dilka gaystay lagu samaynayo baadhitaan caafimaad oo xagga maskaxda ah. Waxaana ay si hor dhac ah u sheegeen in aanu maskax ahaan caadi ahayn.

Gabadha uu wiilka la dilay oo da’ ahaan jirtay 48 lana odhan iray Tone Ilebekk, ayaa boolisku sheegeen inay si keddis ah ugu soo baxday markii dilku dhacayay, sidaas na uu ku dilay.

Waxa kale oo wararka ay Gacanlibaaxnews.com heshay sheegayaan in boolisku ay maanta sheegeen inay samaynayaan baadhitaan xeel dheer oo ku saaban sababta dhabta ah ee dilka ka dambaysay, in labada wiil ay hore wax u dhex mareen iyo kale.

Guddoomiyaha jaaliyadda Soomaalida ku nool magaalada Kristiansand Maxamed Dalmar Shirwac ayaa Gacanlibaaxnews u sheegay in dhacdadan ay si weyn uga naxeen, isla markaana ay tahay dhacdo oo ka naxeen dadka Soomaalida ah ee ku nool dalka Norway.

Waxa kale oo ay dhacdadu saamayn ku yeelatay dadka aan Soomaalida ahayn ee ku nool magaaladaa Kristiansand oo muujiyey inay ka xun yihiin dilkaa, iyadoo dugsigii uu Yacquub dhigan jiray na calanka hoos lood dhigay, isla markaana ardaydii fasax kooban la geliyey.

Wixii warar dheeraad ah ee ka soo baxa dhaabitaanka ay boolisku wadaan kala socda shabakadda Gacanlibaaxnews.com

Gacanlibaaxnews.com

Oslo, Office