Raysal Wasaare kuxigeenka ayaa isaga baxay shirka Madasha Wada-tashiga, markii la akhrinayay war murtiyeedka, isagoo qoonsaday in qoondadii Somaliland ee aheyd 11 xubnood aqalka sare laga jaray saddex xubnood.

Waxaa uu sheegay inay arrinkaas Saluug san yihin , isla markaana aanay aheyn mid u cuntami karta, isagoo dalbaday in Madasha Wada-tashiga qaran  ee somaliya ay dib u eegaan qodobkaas.

“Aniga ka mid baan ahay Madasha, runtiina wax badan oo fiicana ayay soo qabteen mudadii ay jirtan, laakiin waxaa moodaa qodobka ugu darnaa ee gocashada badan ka jirta waa qaabkii loogu qeybiyay beelaha dega Somaliland, cid kasta iyadaa taqaan sida ay u qeybsanayaan, ayaga in loo daayo aheyd dadka deegaankaasi waa is yaqaanaan, dowlad goboleedyadaba iyada qudhooda cid looma qoondeyn, marka waa in saami qeybsiga dib loogu noqdo”ayuu yiriRaysal Wasaare kuxigeenka Somaliya maxamed cumar carte.

Madasha Wada-tashiga qaran ee somaliya  ayaa isku raacay in saddex ka mid ah xubnaha aqalka sare ee Somaliland laga jaray, lana siiyay beelaha  dega Sool, Sanaag  iyo Buuhoodle, taasoo oo ay deegaanadaasi  ku  muran san yihin somaliland iyo Puntland  ,taasina macnaheedu tahay in Puntland loogu daray saddex xubnood 11-kii xubnood ee ay heysatay aqalka sare somaliland .

Hase ahaatee waxaa markii dambe Muran dheer iyo dagaal gacan ka hadal ah ka dib xaga danbe lagag daray  labo xubnood  xubnaha aqalka sare Somaliland, lana siiyay 10 xubnood Aqalka sare ah.

Si kastaba ha ahaatee odayaasha iyo Xildhbaanada ka soo jeeda Somaliland ayaa qaadacay go’aanadii ka soo baxay Madasha wada- tashiga Qaran ee Somaliya oo Maalmihi ugu danbeyay hadal hayntiisu socotay  ,

Hargeysa/Office

www.Gacanlibaaxnews.com